ഇരുളെഴുത്ത്

 നിഴലുകൾക്ക് ജീവനുണ്ടാകുമോ?നിഴൽച്ചിത്രങ്ങൾ കൈകൾ മുളച്ച് എന്നെ അതിൽ വലിച്ചു കൊണ്ടു പോകുമോ?

നിഴലിനെ വരച്ച വെളിച്ചം ഒരു മരീചികയത്രേ....
ആദ്യമുണ്ടായത് ഇരുട്ടാണ്!
ഇരുളിൽ നിന്നുമാണ് വെളിച്ചം തുടങ്ങുന്നത്.
ഇരുൾ നഗ്നമാണ്...സത്യമാണ്...
കള്ളം പുതച്ച വെളിച്ചം എന്നെ ഭയപ്പെടുത്തുന്നു.
ഇരുളിൽ എഴുതിയ വാക്കുകൾ
നിഴലുകളുടെ ചുവടു പിടിച്ച്
വിവിധ അർത്ഥ തലങ്ങളിൽ നൃത്തം ചെയ്യാൻ തുടങ്ങി.
അജ്ഞതയുടെ അർത്ഥ തലങ്ങൾ പുൽകിയ ഒരു യോഗിനിയെപ്പോലെ രാത്രി ഇരുൾ പുതച്ച് ശാന്തമായ് ഉറങ്ങി.
......................................................................
              ~~ ഹാഷിദ ഹൈദ്രോസ് ~~